محمد فايق

🚺🚹 انا بابعت عشان مضايقة من الفكرة

ايوة خطر طبعًا
ابعدي عن أي شخص محتمل يحصل معاه حاجة زي دي
والفترة نفسها هتعدي والليبيدو هتقل
منذ 4 أعوام و شهرين
محمد فايق

السلام عليكم.. ممكن رأيك لو سمحت! ممكن أفكار هدية لخطيبي تكون مناسبة ولطيفة؟😅

ميدالية فضة..
منذ 4 أعوام و شهرين
محمد فايق

ممكن ابعتلك برمز

ممكن
منذ 4 أعوام و شهرين
محمد فايق

د.محمد دلوقتي لو رجل ضرب زوجته هل الصح انه الزوجة تضربه زي ماضربها

حسب الموقف..
في مواقف الأفضل إنها تتصل بأهلها يجوا هما يضربوه..
منذ 4 أعوام و شهرين
محمد فايق

توبت لربنا بس ربنا شاء إن اتفضح فضيحة وحشة جدا وجوازي باظ، الحمد لله لعله خير بس الفضيحة صعبه ومش عارفه ابص في وش الانسان دا تاني

الإنسان ده تقصدي بيه مين؟
منذ 4 أعوام و شهرين
محمد فايق

ممكن أحكي لحضرتك حاجة برمز يا دكتور؟

ممكن
منذ 4 أعوام و شهرين
محمد فايق

غير السائلة أنا بردو بكون ساعات كتيرة محتاجه حضن بس مبكونش عارفه اعمل ايه لو قولت لماما وبابا هيتريقوا عليا أنا أصلا مش فاكره إنهم حضنوني في يوم من الأيام بدون سبب يعني مش علشان كنت مسافره مثلا وهكذا

لا اطلبي منهم
منذ 4 أعوام و شهرين
محمد فايق

وال حاسس انو مهزوم من كل حاجه وكل الناس يعمل ايه

كلمة مهزوم مش دقيقة..
ممكن محبط مثلًا تكون وصف أدق.
منذ 4 أعوام و شهرين
محمد فايق

امتحان مهم ومش قادرة اذاكر لامتحان بكره وحاسه انو الحل مدخلوش لإني مش مذاكرة وخايفه يحصل زي ده مع اني كنت مذاكره تركيزي ضاع كنت بقرأ مش فاهمه حاجه والوقت ضاع وملحقتش احل

ف كل الأحوال ادخلي الامتحان.. وقولي الأذكار وادعي..
الامتحان نفسه خبرة كويسة هتستفيدي منها للمرات الجاية
منذ 4 أعوام و شهرين
محمد فايق

مش هعرف ماكلش معاهم الموضوع عندنا اشبه بالمعسكر الاكل اتحط لازم كله يقعد ياكل الموضوع مؤذي بالنسبالي فعلا لدرجة الفترة الاخيرة خسيت جدا واوقت الاكل بالنسالي عذاب اتغلب على شعوري اللاارادي ازاي و

ينفع ماتكليش معاهم عادي..
منذ 4 أعوام و شهرين
محمد فايق

دكتور انا كبنت زواجي إتاخر شويه ،بحس ان محتاجه علاقة الحب الموجودة بالزواج، ازاي اقدر اشبع رغبتي من غير ما اعمل حاجه حرام

احصلي على جزء من الإشباع ده من روحانياتك وشغلك أو نجاحك أو إنجازك أو أهلك أو صديقاتك..
واسعي للزواج
منذ 4 أعوام و شهرين
محمد فايق

عندي عاده غريبه و من سنيين و هي أني بقعد أحك رجلي ف بعض لحد م أنام هل دا طبيعي

مش شايف فيه حاجة مش طبيعية.. طالما حاجة بتريحك وواعية ليها خلاص.
منذ 4 أعوام و شهرين
محمد فايق

أوقات بحضني و بطبطب ع نفسي لما بكون محتاجة لكدا و أوقات بعمل كدا تلقائي بدون سبب مش بعمل كدا دايمًا بس بيحصل فعادي

أيوة عادي..
والأجمل منه إنك تطلبي حضن من أهلك
منذ 4 أعوام و شهرين
محمد فايق

لو سمحت يادكتور عندي مشكلة وهي الغضب والعصبية ، إزاي يكون عندي ثلات إنفعالي؟

١- الوعي بنفسك وفهمها كويس أوي عن طريق استبيانات الشخصية والقراءة عن الذكاء الانفعالي وأسباب الانفعالات
٢- تفهمي الاختلافات ف استقبال الأمور بين الناس نتيجة لاختلافهم
٣- تتعلمي تتعاملي مع نفسك ازاي بناء على اللي فهمتيه عن نفسك
٤- تتعلمي تتعاملي مع الناس ازاي بناء على فهمك لاختلاف شخصياتهم عنك وبناء على طبيعة علاقتك بيهم
منذ 4 أعوام و شهرين
محمد فايق

غ.س بتفرق يا دكتور الواحد اتهزم ف ايه عشان يعرف يقوم ؟

أيوة تفرق
منذ 4 أعوام و شهرين
محمد فايق

وبالنسبة لاصوات الاكل بيكون مبالغ فيها زي مثلا صوت وهو بيشرب بينفخ في الاكل وهكذا

👆رديت ف السؤال اللي قبله
منذ 4 أعوام و شهرين
محمد فايق

انا الموضوع عندي مش اوفر لكن اعتقد اي حد طبيعي هيقرف لما يكون بياكل مع حد فاتح بقه بيتكلم وهو بياكل بيوقع بقايا طعام من فمه على الاكل....

وملهاش حل..
لو الموضوع مؤذي أوي بالنسبالك ماتكليش مع أي حد بيعمل كده..
خليكي واقعية وبلاش تدوري على حلول خارج نطاق سيطرتك..
ف الحالة اللي ذكرتيها دي صعب جدًا تقولي لناس أكبر منك حاجة زي دي.. يبقى الحل الواقعي هيكون من ناحيتك مش من ناحيتهم.
منذ 4 أعوام و شهرين
محمد فايق

سمعت ماما بتكلم اختي عني وبتقول دا طماع و هيدايق لما يعرف ان نصيبه قل مع ان الفلوس دي كلنا الحمد لله محدش محتاجها اوي هي حاجة جت لوحدها ..انا عايزك تعرف بس ان عمري ف حياتي ما كنت اتخيل امي شايفاني كدا ديما بتتعامل معايا كاني اقرب واحد..دا عكس كل اللي بتقولهولي و انا مصدوم جدا جدا وحاسس ان معرفهاش ..

مافتكرش والدتك تقصد الكلام زي مانت فهمته.. وأكاد أجزم إن كان ف دماغها حاجة تانية وهي بتقول كده.. بس هنروح بعيد ليه؟
روح قولها ليه يا أمي بتقولي عليا كده؟ إنتي فعلًا شايفاني كده؟
منذ 4 أعوام و شهرين
محمد فايق

قرأت عنها وهي فعلا عندي لكن مش عارفة اتعامل مع الناس وانبههم بطريقة مهذبة خاصة الكبار

انتي اللي لازم تتأقلمي مش هما.
منذ 4 أعوام و شهرين
محمد فايق

بقرف ومبقدرش اكل مع حد بياكل بصوت او وهو فاتح بقه وبيوقع على الاكل الموضوع بيأذيني جدا ومش بعرف احرج حد وللاسف بكون مضطرة اتعامل ازاي مع الناس الي بتعمل كدا

اقرأي عن: Misophonia
منذ 4 أعوام و شهرين
navigation